മലയാള സിനിമ പ്രേക്ഷകർ ഏറെ പ്രതീക്ഷയോടെ കാത്തിരിക്കുന്നു ചിത്രം ആണ്.എമ്പുരാൻ ഫസ്റ്റ് ലുക്ക് വന്നത് സിനിമയുടെ കഥ ഇങ്ങനെ വരുന്നത്, കേരളത്തിലെ സിനിമാ പ്രേമികള്‍ ഏറെ പ്രതീക്ഷയോടെ കാത്തിരിക്കുന്ന മോഹന്‍ലാല്‍ ചിത്രം എമ്പുരാന്‍റെ ഫസ്റ്റ് ലുക്ക് പോസ്റ്റര്‍ പുറത്തുവിട്ട് സംവിധായകന്‍ പൃഥ്വിരാജ് സുകുമാരന്‍. ആശിര്‍വാദ് സിനിമാസും ലൈക പ്രൊഡക്ഷന്‍സും ചേര്‍ന്ന് നിര്‍മ്മിക്കുന്ന ചിത്രം മലയാളത്തിന് പുറമെ തമിഴ്, തെലുങ്ക്, കന്നട, ഹിന്ദി ഭാഷകളിലും പുറത്തിറങ്ങും.കൈയില്‍ ഒരു മെഷീന്‍ ഗണ്ണുമായി ലാന്‍ഡ് ചെയ്യാന്‍ ഒരുങ്ങുന്ന ഒരു വാര്‍ ഹെലികോപ്റ്ററെ നോക്കി നില്‍ക്കുന്ന ഖുറേഷി അബ്രാമിനെയാണ് ഫസ്റ്റ് ലുക്ക് പോസ്റ്ററില്‍ കാണാനാകുന്നത്. ഒരു ഗംഭീര സംഘട്ടനത്തിന് ശേഷമുള്ള നായകന്‍റെ നില്‍പ്പാണ് പോസ്റ്ററില്‍ ചിത്രീകരിച്ചിരിക്കുന്നത്.
മലയാളത്തില്‍ ചരിത്ര വിജയം നേടിയ ലൂസിഫറിന്‍റെ തുടര്‍ച്ചയായി എത്തുന്ന എമ്പുരാന്‍റെ ആദ്യ ഷെഡ്യൂള്‍ ലഡാക്കില്‍ പൂര്‍ത്തിയായിരുന്നു. മഞ്ജു വാര്യരും ടോവിനോ തോമസും അടക്കം ആദ്യഭാഗത്തില്‍ അഭിനയിച്ച പലതാരങ്ങളും എമ്പുരാനിലും അണിനിരക്കും. സുജിത്ത് വാസുദേവാണ് ക്യാമറ, ദീപക് ദേവാണ് ചിത്രത്തിലെ ഗാനങ്ങള്‍ ഒരുക്കുന്നത്. മുരളീ ഗോപിയുടെ തിരക്കഥയില്‍ ഒരുങ്ങുന്ന എമ്പുരാന്‍ മൂന്ന് ഭാഗങ്ങളുള്ള ഒരു ഫിലും ഫ്രാഞ്ചൈസിലെ രണ്ടാം ഭാഗമാണ്. എൽ 2 എംപുരാൻ ട്രൈലോജിയുടെ രണ്ടാം ഗഡുവാണ്, എംപുരാൻ വിവർത്തനം ചെയ്യുന്നത് ‘ ഒരു രാജാവിനേക്കാൾ കൂടുതൽ, ഒരു ദൈവത്തേക്കാൾ കുറവ്’ എന്നാണ്. ‘ലൂസിഫർ’ കഥാഗതിയുടെ നേരിട്ടുള്ള തുടർച്ചയല്ല, ആദ്യ ചിത്രത്തിന് മുമ്പും ശേഷവുമുള്ള സംഭവങ്ങളുടെ ഉൾക്കാഴ്ച നൽകുന്നതാണ് ഈ ചിത്രം.മോഹൻലാൽ, പൃഥ്വിരാജ് സുകുമാരൻ, മഞ്ജു വാര്യർ, ടൊവിനോ തോമസ്, സച്ചിൻ ഖേദേക്കർ, അലക്‌സ് ഒ നെൽ, ഇന്ദ്രജിത്ത് സുകുമാരൻ തുടങ്ങി നിരവധി താരനിര അണിനിരക്കുന്ന ചിത്രമാണ് മുരളി ഗോപിയുടെ തിരക്കഥയിൽ പൃഥ്വിരാജ് സുകുമാരൻ സംവിധാനം ചെയ്തത്.
